ताप्लेजुङ – आगामी मंसिर १६ गते सिरिजङ्गा गाउपालिका ३ सिकैचामा हुने वडाध्यक्षको उपनिर्बाचनकालागि माओवादी केन्द्रले कार्यवाहक अध्यक्षलाई उम्मेद्वार चयन गरेको छ ।
२०७९ को निर्वाचनमा वडा सदस्य जितेर हाल कार्यवाहक चलाइरहेका अम्बि साउदेनलाई उठाउने निर्णय भएको माओवादी जिल्ला इन्चार्ज खेलप्रसाद बूढाक्षेत्रीले बताएका छन् ।
वडा कमिटीको बैठकले साउदेनलाई वडा कमिटी बाट सर्वसम्मत रुपमा सिफारिस गरेको थियो । माओवादी जिल्ला समन्वय समितिको सचिवालय बैठकले समेत वडाको निर्णय अनुमोदन गरी प्रदेश समितिमा पठाएको बूढाक्षेत्रीले बताएका छन् ।
साउदेन युवा पुस्ताका भएकाले जनताको मन जित्ने दावी पार्टीको छ । एमालेले कुमारी सावदेनलाई उठाएको छ । अबको निर्वाचनमा चेली माइती आमनेसामने हुने भएको चर्चा राजनीति वृत्तमा सुरु भएको छ । अम्बि र कुमारी चेलीमाइती हुन ।
नेपाली काँग्रेस, राष्ट्रिय स्वतन्त्र पार्टी, लिम्बुवान लगायतका दलले भने उम्मेद्वार छान्न बाक रहेको छ । रास्वपाले पनि उम्मेद्वार उठाउने तयारी गरेको जनाएको छ । यहा १ हजार ५ सय २८ मतदाता रहेका छन् । गत निर्वाचनमा विजेताले ४ सय ३ र उपविजेताले ३ सय ९९ मत ल्याएका थिए ।