ताप्लेजुङ — फुङलिङ नगरपालिका-१० फुरुम्बुले पाथीभरा क्षेत्रको काफ्लेपाटीदेखि माथिल्लो फेदीसम्म फोहोर फाल्ने डस्बिन वितरण गरेको छ ।
७५ हजार मूल्य बराबरको ४४ वटा डस्बिन वितरण गरिएको वडाध्यक्ष सन्तोष लिम्बूले जानकारी दिए । उनका अनुसार हरेक पसलको अगाडि देखिने गरी डस्बिन राखिएको छ । होटलमा उत्पादित फोहोर अनिवार्य त्यहाँ फाल्नु पर्ने र सुरक्षित व्यवस्थापन गर्नुपर्ने नियम बनाइएको छ ।
फुङलिङ नगरपालिका उपप्रमुख भिमादेवी ओझा लगायतको उपस्थितिमा डस्बिन वितरण गरिएको हो । यहाँ शनिबार पाथीभरा क्षेत्र विकास समितिले बृहत् सरसफाइ कार्यक्रमको आयोजना पनि गरेको छ । पाथीभरा जाने तीर्थयात्रीले फाल्ने फोहोरलाई दृष्टिगत गरी डस्बिन बितरण गरिएको हो ।
पाथीभरामा वार्षिक तीन लाखसम्म तीर्थयात्री जाने गरेका छन् ।