ताप्लेजुङ – सिरिजङ्गा गाउपालिका ३ सिकैचामा हुने वडाध्यक्षको उप निर्वाचनकालागि काङ्ग्रेसले उदय आङबुहाङका नेतृत्वमा युवा परिचालन समिति गठन गरेको छ ।

काँग्रेस जिल्ला कार्य समितिका सभापति गजेन्द्र प्रसाद तुम्याहाङले तरुण दलका केन्द्रीय सदस्य आङबुहाङ संयोजक र जिल्ला कार्यवाहक अध्यक्ष पृथ्वीमान पालुङवा सहसंयोजक रहेको २३ सदस्यीय समिति गठन गरेको हो ।

यसलाई स्वयंसेवकको भूमिका निर्वाह गर्नपनि जिम्मेवारी दिइएको छ । वृद्धवृद्धा, अशक्त, मतदातालाई मतदान स्थलसम्म पुर्याउने देखि निष्पक्ष धाँधली रहित निर्बाचनकालागि समन्वय गर्नसमेत पत्रमा भनिएको छ । समितिमा वडा तहसम्मका कार्यकर्ता रहेका छन् ।