ताप्लेजुङ – कोशी प्रदेशका स्वास्थ्य मन्त्री भुपेन्द्र राईले अस्पताल विकास समिति ताप्लेजुङमा चार जना सदस्य नियुक्त गरेका छन् । काँग्रेस र एमालेका दुईदुई जनालाई सदस्यमा नियुक्त गरेका हुन ।

काँग्रेस जिल्ला कार्य समितिका सचिव सञ्जय (गणेश वावु) निरौला, नेपाल विद्यार्थी सङ्घका केन्द्रीय सदस्य रहेका विश्व नाल्बु, एमालेबाट यीगेन्द्र गुरुङ र दिलु पतंवा लिम्बूलाई नियुक्त गरिएको मन्त्री राईले जानकारी दिए ।

गुरुङ र पतंवा पहिला जिल्ला कमिटी सदस्य भएका र अहिले सकृय कार्यकर्ताको रुपमा रहेको एमाले जिल्ला कमिटी उपसचिव गोपाल न्यौपानेले बताए ।

काङ्ग्रेसले सञ्जय र विश्व सहित अञ्जना कडरियाको नाम सिफारिस गरेको थियो । एक जना सदस्य अझै नियुक्त गर्न बाँकी रहेको मन्त्री राईले बताए ।

अस्पताल विकास समितिको संयोजक भने जिल्ला समन्वय समितिको प्रमुख रहने प्रावधान छ । उद्योग वाणिज्य सङ्घ, रेडक्रसका प्रतिनिधि सदस्य र जिल्ला अस्पतालका प्रमुख डाक्टर अस्पताल विकास समितिको सदस्य सचिव हुने प्रावधान रहेको छ ।