ताप्लेजुङ – नेपाल कम्युनिष्ट पाटी एकीकृत समाजवादीको भातृ सङ्गठन दलित मुक्ति सङ्गठन जिल्ला कमिटी ताप्लेजुङले आफ्नो ३७ औं स्थापना दिवस मनाएको छ ।
केन्द्रीय सदस्य निता सिवा, जिल्ला कमिटी अध्यक्ष छिरिङ लामा सङ्गठनका केन्द्रीय सचिव नेत्र नेपाली लगायतको उपस्थितिमा शुभकामना आदानप्रदान गरेर स्थापना दिवस मनाएको हो ।
पार्टीका जिल्ला तथा प्रदेश कमिटीका नेता कार्यकर्ताको उपस्थितिमा भएको कार्यक्रममा समाज रूपान्तरणका लागि खेल्नुपर्ने भूमिका र भइरहेको प्रयासका विषयमा छलफल भएको थियो ।
समाजमा अझैपनि छुवाछुत जस्तो कुप्रथा कायमै रहेको र यसको अन्त्यकालागि हरेक क्षेत्रवाट पहलकदमी गर्नुपर्नेमा वक्ताहरूले जोड दिएको सचिव नेत्र नेपालीले वताए। जिल्ला कमिटी अध्यक्ष दिनेश खातीको अध्यक्षतामा भएको कार्यक्रममा छुवाछुत प्रथाको अन्त्यकालागि राज्यले दर्बिलो अवधारणा ल्याउनु पर्नेमा जोड दिइएको उल्लेख गरिएको छ ।
उक्त अवसरमा नेकपा एसको केन्द्रीय सदस्यमा निर्वाचित दलित आन्दोलनका नेतृ निता सिवालाई सम्मान गरिएको थियो ।