ताप्लेजुङ – ‘नो केबलकार समूहले’ मङ्गलवारदेखि गर्ने यातायात बन्दमा दुई पाङ्ग्रे सवारीपनि चल्न नदिने भएका छन् । सवैखाले सवारी आवागमन बन्द गरिएको आन्दोलनरत समूहका अगुवा श्री लिङखिमले जानकारी दिए ।

‘हामीले सबैखाले यातायात बन्द भनेका छौँ,’ उनले भने, ‘त्यही अनुसारको अनुरोधपनि गरिएको छ ।’ पाथीभरा क्षेत्रको बलुडाडामा भएको झडपको विषयलाई लिएर मङ्गलवारदेखि मेची राजमार्ग, तमोर करिडोर र तेह्रथुमबाट ताप्लेजुङ भित्रने गौँडा समेतमा बन्दको आब्हान गरिएको छ । बन्दलाई कडाईकासाथ कार्यान्वयन गर्ने बन्दकर्ताको दाबी छ ।

मेची राजमार्ग अन्तर्गत ताप्लेजुङ, पाचथर, इलाम र झापाको चारालीसम्म पर्दछभने तमोर करिडोर अन्तर्गत ताप्लेजुङ, पाचथर धनकुटाको मुलघाटसम्म पर्छ । यी सडकमा अनिश्चित काल बन्दको घोषणा गरिएको हो ।