मैवाखोला गाउँपालिकामा भएको ट्रयाक्टर दुर्घटनामा परि घाइते भीमकुमार तामाङको मृत्यु भएको छ । मैवाखोला गाउँपालिका २ ढुङ्गेसाँघु घर भएका ३५ वर्षीय तामाङको उपचारका लागि धरानको घोपा लैजाने क्रममा बाटैमा मृत्यु भएको हो ।

जिल्ला प्रहरी कार्यालयका सूचना अधिकारी प्रहरी निरीक्षक कमलकुमार  मङ्गलवार बेलुका प्र १–०२–००३ त ९६० नम्बरको ट्रयाक्टर दुर्घटना भएको थियो । टाउको र शरीरका विभिन्न भागमा चोट लागेका तामाङलाई बुधवार जिल्ला अस्पताल ताप्लेजुङले रिफर गरेर धरान जान सुझाव थियो । बाटोमै मृत्यु भएका उनको शव पोष्टमार्टमका लागि विहीवार जिल्ला अस्पताल ल्याइएको छ ।

ढुङ्गेसाँघुका कागते देखि भित्री सडक भुसुने टोल जाँदै गरेको ट्रयाक्टर दुर्घटना भएको थियो । उकालो सडकमा ट्रली फसेपछि निकाल्ने क्रममा सडकबाट करिव २० मिटर तल झरेको स्थानीयले बताएका छन । ट्रयाक्टरका चालक सनबहादुर तामाङ भने सकुशल रहेका छन । उनलाई नियन्त्रणमा लिएर अनुसन्धान भइरहेको जिल्ला प्रहरी कार्यालयले जनाएको छ ।