ताप्लेजुङ – दाउरा खोज्ने क्रममा अरिङ्गालले टोक्दा फुङलिङ नगरपालिका २ तारेबुङका दुइजना घाइते भएका छन् । घाइते युवराज तोलाङ र रविन रम्तेलको जिल्ला अस्पतालमा उपचार भइरहेको छ ।

उनिहरुलाई शरीरका ३०/३५ ठाउमा अरिङ्गालले टोकेको जिल्ला अस्पतालले जनाएको छ । जिल्ला प्रहरी कार्यालय ताप्लेजुङको तथ्याङ्क अनुसार पछिल्ला दिन अरिङ्गालले टोकेर घाइते हुनेको सङ्ख्या बढ्दो रहेको छ । अरिङ्गाल झार्ने क्रममा, घाँस काट्ने, दाउरा काट्ने क्रममा अरिङ्गालले टोकेको पाइएको छ ।