ताप्लेजुङ – पाथीभरा क्षेत्र विकास समितिले पाथीभरा मन्दिरमा कालरात्री पर्व मनाएको छ । विहीवार मध्यरातमा कालो बोकाको बली दिएर कालरात्री पर्व विधिपूर्वक सम्पन्न गरिएको पाथीभराका पुजारी डिल्ली आचार्यले बताए ।

क्षेत्र विकास समितिका कार्यकारी निर्देशक प्रजिन हाङवाङले विहीवार दिनभरी निराहार बसेर मध्यरातमा पुजा विधि सम्पन्न गरेको बताए । पुजारी आचार्यका अनुसार पाथीभराको उत्पत्तिको इतिहास बली बाटै सुरु भएको छ । अहिलेपनि बली चढाउने प्रचलन रहेको छ ।

बाढी पहिरोका कारण यो बर्स तीर्थयात्रीको चाप कम भएकाले स्वयंसेवक परिचालन गर्नु नपरेको निर्देशक हाङवाङले बताए । दशैँपछि भिड बढ्न सक्ने भएकाले त्यही अनुसारको तयारी गर्ने उनको कथन छ ।