ताप्लेजुङ – फुङलिङ नगरपालिका ८ का सन्तोष गुरुङलाई उकालीपानीको एकान्त बाटोमा खुकुरी देखाएर धम्क्याउने दुई युवा प्रहरी नियन्त्रणमा पुगेका छन् ।

खुकुरी प्रहार गर्ने प्रयास गरेर धम्की दिएको र अभद्र व्यवहार गरेको अभियोगमा फुङलिङ नगरपालिका ४ का प्रदीप पौडेल र ८ का निश्चल गुरुङलाई पक्राउ गरिएको जिल्ला प्रहरी कार्यालयले जनाएको छ । उनिहरुलाई अभद्र व्यवहार कसुरमा मुद्दा चलाइएको जिल्ला प्रहरी कार्यालय ताप्लेजुङका प्रवक्ता तथा सूचना अधिकारी विवेक बस्नेतले जानकारी दिए ।

गुरुङलाई न्यु कञ्चनजङ्घा सहकारी संस्थाबाट फर्कने क्रममा आक्रमण प्रयास गरेको प्रहरीले जनाएको छ ।  प्रहरी नियन्त्रणमा रहेका उनिहरुलाई मुलुकी फौजदारी कार्यविधि संहिता २०७४ को दफा १४ (३) बमोजिम जिल्ला अदालतबाट ५ दिनको म्याद थप गरी प्रहरीले अनुसन्धान सुरु गरेको छ ।