पाँचथर — फिदिम खानेपानी तथा सरसफाइ उपभोक्ता समितिका अध्यक्ष प्रकाश गुरुङ पक्राउ परेका छन् । बिहीबार साँझ पक्राउ परेका अध्यक्ष गुरुङविरुद्ध प्रहरीले शुक्रबार जिल्ला प्रशासन कार्यालय पाँचथरमा अभद्र व्यवहारविरुद्ध मुद्दा दर्ता गराएको हो ।
अध्यक्ष गुरुङले बिहीबार साँझ सशस्त्र प्रहरी बल (हिमशिखर गुल्म)का प्रहरी नायव उपरिक्षक कुमार बरालमाथि अभद्र व्यवहार गरेको अभियोग लागेको छ ।
गुरुङ फिदिम–४ स्थित आफ्नै घरबाट पक्राउ परेका हुन् । जिल्ला प्रहरी कार्यालय पाँचथरको हिरासतमा रहेका गुरुङलाई रिहा गर्न माग गर्दै समर्थकहरुले शुक्रबार अपराह्न फिदिम बजारमा र्याली निकालेका थिए ।
गुरुङबिरुद्ध तीन दिनको म्याद थप गरिएको प्रमुख जिल्ला अधिकारी विष्णुप्रसाद कोइरालाले बताए ।
उनि नेपाली काग्रेसका नेतापनि हुन । स्थानीय तहको निर्बाचनमा नगर प्रमुखको दावी गरेका थिए ।